Kippt í spotta?

11.9.2007 | 18:06

Hvað haldið þið?

Svona falla þau hvert af öðru vígin.

Þið getið verið viss um það að það verður virkjað hvað sem hver segir. Jafnvel þó svo við höfum ekkert við orkuna að gera.

Það er ýmislegt til athugunar í þessu máli:

Nú er það svo að Íslendingar búa við mikla hagsæld í dag, atvinnuleysi nánast ekkert, og munaðarvarningur keyptur sem aldrei fyrr. Ef einhverstaðar losnar starf þurfum við að ráða útlendinga til þess. Og þá kem ég að því.

Eigum við að fórna íslenskri náttúru til að bæta hag þegna annara þjóða?

Hverjir eiga að vinna við virkjunarframkvæmdir, störf sem skapast eftir virkjum og önnur afvegaleidd störf sem skapast.

Nú er það þannig að svona framkvæmd er þennsluskapandi. Og hvað skeður við aukna þennslu?

Jú, verðbólga eykst. Hvað gerir Seðlabankinn til að slá á hana?

Jú, hækkar vexti. Vantar okkur virkilega hærra verðlag og hærri vexti?

Það er vitað mál að orka, tala nú ekki um orka framleidd á þennan hátt, á ekkert eftir annað en hækka, já og það mikið, í verði um ókommna framtíð.

Hvers vegna geymum við þetta ekki til ákvarðanatöku afkomenda okkar?

Það er ekkert gefið að þau hafi það eins gott og við, já, ég segi gott og meina það. Það getur enginn hugsandi maður viðurkennt annað. Það hafa allir vinnu sem nenna, að vísu hafa sumir það betra en aðrir, það kemur bara mér ekkert við hvað Jón á móti hefur ef ég hef nóg.

Tökum okkur nú saman í anlitinu og hugsum svolítið rökrétt, látum ekki einhverja ríkisblýantsnagara valta yfir okkur á skítugum skónum.

Því miður eru margir hræddir um að hreppsnefnd Flóahrepps, sem manni virtist í fyrstu geta haft manndóm í sér að loka á fyrirætlanir Landsvirkjunar, muni að lokum láta undan þrýstingi hennar, og gefa eftir. jafnvel fyrir einhverja aura.

Höf. er þeirrar skoðuna að: Enn hafi ekki verið reistur svo hár múr, að ekki megi teyma yfir hann asna klifjaðann gulli.