En nettenging?

Bý í 40 km. loftlínu frá Rvk. 

Hvernig væri að fá nothæfa nettengingu? 

Er þetta ávöxtur einkavæðingar?

Þjónustan og vöruúrvalið eingöngu til fjöldans,  sem jú, gefur mestann aurinn?

Voru virkilega engin ákvæði við sölu símans um að  þjónustan ætti að standast lágmarks kröfur?  

Þar má líta á Símann sem nokkurskonar "höfuðstöðvar" nettengingar og þar með tölvupósts,  hafið þið reynt að senda fyrirspurn til þeirra á tölvupósti?

Hafið þið reynt að senda Tryggingarstofnun tölvupóst með von um  svar?

Höfundur er mjög heyrnarskertur og notar þessa samskiptaleið mikið,  það er víðast gott. 

Þriðja kynslóð farsímakerfisins tekin í notkun

Athugasemdir

[Hjálmar Gíslason (IP-tala skráð) 4.9.2007 kl. 00:05]

Sæll Guðjón,

Hjálmar Gíslason heiti ég og starfa hjá Símanum. 

Eins og fram kemur í fréttinni þá einbeittum við okkur að Höfuðborgarsvæðinu í þessum fyrsta áfanga. Fyrir liggur áframhaldandi uppbygging annars staðar á landinu næstu árin og þéttbýlisstaðirnir munu fá þriðju kynslóðar tengingu einn af öðrum á næstu misserum. Aðrar lausnir verða líklega fyrir valinu þegar kemur að þráðlausum háhraðalausnum annars á strjálbýlli svæðum, þar sem 3G kerfi eru tiltölulega skammdræg.

Varðandi hlutverk Ríkisins í þessari uppbyggingu sem og uppbyggingu annarra fjarskiptakerfa þá var við söluna á Símanum lögð í svokallaðan Fjarskiptasjóð dágóð fjárhæð sem á einmitt að fara í það að jafna aðgang landsmanna að fjarskiptaþjónustu. Meðal þess sem sá sjóður setti sér var að tryggja aðgang allra landsmanna að háhraða nettengingum fyrir árslok 2007.

Ég veit að það er einmitt um þessar mundir verið að leggja lokahönd á útboðsgögn vegna þessa verkefnis og því er það mikilvægasta sem þú getur gert ef þessi mál eru ekki í góðum farvegi þar sem þú býrð - að tryggja að Fjarskiptasjóður viti af því og skilgreini þitt heimili eða byggðarlag utan háhraðasvæðis þannig að það sé inni í "pakkanum" í þessu útboði.

Með von um að allir njóti alltaf sem bestra fjarskipta.

-hjálmar 

[Guðjón Guðvarðarson, 5.9.2007 kl. 20:23]

Ég þakka Hjálmari fyrir svarið,  jú... það er full ástæða til þess að þakka það,  það er nú bara orðið svo í dag að það er ekkert sjálfgefið í þeim efnum.

Ég mun fara að hans ráðum og reyna ná athygli Fjarskiptasjóðs.